शिरूर अनंतपाळ तालुका प्रतिनिधी: फतेहअली खान पठाण
तालुक्यात रस्त्याच्या दुरावस्थेमुळे मुख्य रस्त्यावर मोठमोठे खड्डे पडल्याने वाहनधारकाची दैनिय अवस्था होत आहे त्यामुळे अपघाताचे प्रमाण वाढले आहे , निलंगा ,उजेड ,नळेगाव घरणी या मुख्य रस्त्याची उजेड ते आरी मोड पर्यंत अत्यंत दुरावस्था झाली आहे. रोडवर मोठ मोठे खड्डे पडल्याने वाहनधारकांना कसरत करावी लागत असून या खड्यामुळे अपघाताचे प्रमाण वाढले असल्याने या मुख्य रस्त्याची तात्काळ दुरुस्ती करण्यात यावी, अशी मागणी वाहनधारक व ग्रामस्थांतून केली जात आहे.
तालुकाच्या ठिकाणी व पुढे नांदेडकडे जाण्यासाठी अत्यंत महत्वाचा व जवळचा मार्ग असलेल्या या रोडवर अनेक लहान मोठे खड्डे पडले आहेत.तर त्यात उजेड जवळील कॉर्नर वर नालीचे पाणी रोडवर सोडल्याने रोडवर मोठ मोठे खडे पडले असून या खड्यात पाणी साचत आहे. त्यामुळे खड्याचा अंदाज न आल्याने अपघाताचे प्रमाण वाढले असून एकास प्राणाला मुकावे लागले,तर अनेक जण जखमी झाले आहेत.
शिरूर अनंतपाळ तालुक्यात महत्वाचा रस्ता म्हणून ओळखला जात असलेला तुरोरी, कासार शिरसी, निलंगा,निटूर, नळेगाव, घरणी मार्ग नांदेड जाणारा हा रस्ता उजेड जवळून जातो.नऊ नंबर हायवे वरून नांदेड ला जाणारा हा सर्वात जवळचा मार्ग असल्याने या रोडवर वाहनांची दिवस रात्र मोठी वर्दळ सूरू असते.तर या परिसरातील गावांना तालुक्याच्या ठिकाणाला जोडणार हाच प्रमुख रस्ता असल्याने दुचाकी प्रवाशी वाहनांची सतत ये जा असते.
या रस्त्यावर गेल्या काही महिन्यापासून खड्डे पडल्याने रस्त्यात खड्डे की खड्यात रस्ता असा प्रकार झाला आहे. त्यात उजेड पाटी जवळच्या कॉर्नरवरील रस्त्यावर वस्ती मधील सांडपाणी व टाकीचे पाणी सरळ मुख्य रस्त्यावर येत आहे. या आलेल्या पाण्यामुळे रस्त्यावर मोठ मोठे खड्डे पडले असून या खडयामध्ये पाणी साचत आहे. यामुळे रोड पूर्णतः पाणीमय होवून रस्ता चिखलमय झाला आहे.
परिणामी या पाणी भरलेल्या खड्यांचा लहान मोठ्या वाहनधारकांना अंदाज येत नसून या ठिकाणी अपघाताचे प्रमाण वाढत आहे. तर दुचाकी वाहनधारक या खड्डेमय पाण्यात घसरून पडत आहेत.हा मुख्य रस्ता खड्डयात आहे की रस्त्यात खड्डे पडले आहेत आजतागायत वाहनधारकाला कळले नाही या तारांकित प्रश्नांची उकल शाखा अभियंत्यांनी करावी अशी मागणी जनतेतून केली जात आहे , यात आता पर्यंत अनेक दूचाकीस्वार पडून जखमी झाले आहेत.
त्यामुळे या रस्त्याची तात्काळ दुरुस्ती करावी,अशी मागणी प्रवाशी व तालुक्यातील जनतेकडून केली जात आहे.
लवकरच खड्डे बुजविले जातील.
या रस्त्या दुरुस्तीचे काम प्रक्रियेत आहे. या रोडवर पडलेल्या खड्याच्या दुरुस्तीसाठी वरिष्ठाकडे मागणी करण्यात आली असून लवकर या रोडवरील खड्डे बुजविण्यात येतील.
रविंद्र पवार.... शाखा अभियंता.. शिरूर अनंतपाळ.
