कळंब तालुका प्रतनिधी :- सोहेल शेख
कळंब – तालुक्यातील हासेगांव (केज) येथील कुमारी नेहा सुरेश चवरे हिने वैद्यकीय पूर्व परिक्षा (NEET ) मध्ये ५५६ गुण घेवून यश संपादन केल्याबद्ल शिक्षक ज्ञानेश्वर तोडकर यांनी नेहाच्या घरी जावून दि.१७ ऑक्टोबर रोजी सत्कार केला .नेहा चवरे हिचे प्राथमिक शिक्षण जि.प.प्राथमिक शाळा हासेगाव (केज) येथे झाले तर माध्यमिक शिक्षण सावित्रीबाई फुले विदयालय कळंब येथे झाले . सुरेश चवरे यांनी प्रतिकुल परिस्थितीत नेहाचे शिक्षण पूर्ण केले . सुरेश चवरे हे शेतकरी असून शेतीच्या बळावर त्यांनी आपल्या मुलीचे शिक्षण केले आहे. सध्या शेतात शेतकऱ्यांना अनेक संकटांना सामोरे जावे लागते तरी या संकटाना न घाबरता त्यांनी आपले ध्येय निश्चित केले.यावेळी सावित्रीबाई फुले विदयालयाचे शिक्षक काकासाहेब मुंढे,ज्ञानेश्वर तोडकर,जिवनसिंह ठाकूर,अशोक शिंपले आदींनी नेहाचा सत्कार केला.
सावित्रीबाई फुले विद्यालयाची नेहा चवरेचा सत्कार
