ठाणे शहर प्रतिनिधी लुबना मेमन:
प्रभाग क्र. 22 मधील महागिरी येथील शहजाद अपार्टमेंट या अतिधोकादायक इमारतीचा भाग कोसळला असून सुदैवाने जिवितहानी झाली नाही. परंतु इमारतीमधील सोळा कुटूंबांचे तात्काळ सुरक्षित ठिकाणी स्थलांतर करण्यात आले सदर घटना घडताच उपमहापौर पल्लवी पवन कदम, स्थायी समिती सभापती संजय भोईर, स्थानिक नगरसेवक सुधीर कोकाटे, सुनील हंडोरे व नम्रता कोळी तसेच महापालिका उपआयुक्त अशोक बुरपल्ले, ज्ञानेश्वर ढेरे, सहायक आयुक्त शंकर पाटोळे व इतर अधिकारी-कर्मचारी यांनी घटनास्थळी धाव घेऊन इमारतीमधील सोळा कुटूंबांना सुरक्षित ठिकाणी स्थलांतरीत केले असून पुढील आवश्यक ती कार्यवाही करण्याच्या सूचना यावेळी उपमहापौर पल्लवी पवन कदम यांनी प्रशासनाला केल्या आहे.
