/ प्रतिनिधी
अखिल भारतीय राष्ट्रीय असंघटीत कामगार कांग्रेस व महाराष्ट्र प्रदेश असंघटित कामगार काँग्रेस कमिटीच्या वतीने लातूर जिल्ह्यासह प्रत्येक तालुक्यातील प्रत्येक गावांमध्ये केंद्र सरकारने मंजूर केलेल्या कामगार विधेयकाविरोधात शेतकऱ्यांच्या स्वाक्षरी मोहिमेची सुरुवात झाली आहे.
जळकोट तालुक्यातील अतनूर परिसरातील जिल्हा परिषद, पंचायत समिती गटांमधील प्रत्येक गावांमध्ये ही स्वाक्षरी मोहीम राबविण्यात येत आहे.
मोदी सरकारच्या नेतृत्वाखाली केंद्र सरकारने घाईघाईने अतिशय जाचक कामगार विरोधी व तीन कृषि विधेयकाला मंजुरी दिली होती. राज्यसभेमध्ये बहुमत नसतानाही आवाजी मतदानाने हे विधेयक मंजूर केले होते. या विधेयकाचा देशभरातील शेतकऱ्यांनी व मंजुर केलेल्या विधेयकांच्या विरोधात राष्ट्रीय काँग्रेसच्या राष्ट्रीय अध्यक्षा सोनिया गांधी, खा.राहुल गांधी पक्षश्रेष्ठींच्या सुचनेनुसार प्रदेश कांग्रेस, जिल्हा, तालुका, गाव-तांडा-वस्ती-वाडी वस्तीसह ग्रामस्थांनी तथा महाराष्ट्र प्रदेश असंघटित कामगार कांग्रेस यांनी विरोध केला आहे. तसेच काँग्रेस पक्ष शेतकऱ्यांच्या बाजूने भक्कमपणे उभा टाकला आहे. याचाच एक भाग म्हणून काँग्रेस पक्षाच्या वतीने २ ऑक्टोंबर रोजी धरणे आंदोलन केले होते. तसेच १४ व १५ अॉक्टोबर ला महारॕली, व्हर्चुअल रॕली, कामगार बचाव, शेतकरी बचाव महारॕली, अॉनलाईन व्दारे मार्गदर्शन आणि आता स्वाक्षरी मोहीम राबविली जात आहे. महाराष्ट्राचे काँग्रेस प्रदेशाध्यक्ष बाळासाहेब थोरात यांच्या सूचनेनुसार, राज्याचे माजी मंत्री तथा सहकार महर्षी दिलीपराव देशमुख यांच्या मार्गदर्शनाखाली तसेच राज्याचे वैद्यकीय शिक्षण मंत्री तथा पालकमंत्री अमित भैय्या विलासराव देशमुख यांच्या नेतृत्वाखाली महाराष्ट्र प्रदेश असंघटित कामगार काँग्रेसचे प्रदेशाध्यक्ष मोहम्मद बदरूज्जमा, आ. धीरज भैय्या विलासराव देशमुख, राष्ट्रीय काँग्रेस कमिटीचे लातूर जिल्हाध्यक्ष श्रीशैल्यदादा उटगे, महाराष्ट्र प्रदेश असंघटित कामगार काँग्रेसचे लातूर जिल्हा अध्यक्ष ग्रामीण संजय ऊर्फ बालासाहेब गोविंदराव शिंदे अतनूरकर, मराठवाडा प्रभारी आयु.सुंदर कांबळे, निरीक्षक वारे, प्रभारी निरीक्षक विकास देशमाने, असंघटित काँग्रेसचे विविध सेलचे तालुकाध्यक्ष यांच्या प्रमुख मार्गदर्शनाखाली ही स्वाक्षरी मोहीम राबविण्यात येत आहे. यासाठी घोणसी विभाग प्रमुख कैलास सोमुसे-पाटील, दादाराव कांबळे, भागवत धुमाळ, शेख सय्यद, मायाताई कांबळे यांच्यासह अनेक असंघटित कामगार काँग्रेसचे कार्यकर्ते, महाराष्ट्र प्रदेश काँग्रेसचे कार्यकर्ते स्वाक्षरी मोहीमेसाठी पुढाकार घेत आहेत.
